Цаг үеийн мэдээ

Монгол Улсын Засгийн газрын 2017 оны 112 дугаар тогтоолоор “Элэг бүтэн Монгол” үндэсний хөтөлбөр батлагдсан. Тус хөтөлбөрийн хүрээнд Хөдөлмөр, нийгмийн хамгааллын болон Эрүүл мэндийн сайдын 2017 оны 05 дугаар сарын 12-ны өдрийн хамтарсан тушаал гарч даатгуулагчийг хепатитийн В, С вирусийн илрүүлэг шинжилгээнд хамруулах, даатгалын сангаас зардлын төлбөрийг санхүүжүүлэх журам батлагдан гарсан. Энэхүү шийдвэрийн хүрээнд дүүргийн Эрүүл Мэндийн Төвөөс өнөөдөр ИТХ, ЗДТГ-ын албан хаагчдыг үнэ төлбөргүй үзлэг, элэгний В, С вирусын шинжилгээнд хамрууллаа.

Дэлгэрэнгүй: Хепатитийн В, С вирусийн илрүүлэг шинжилгээнд хамруулж байна

Дүүргийн Засаг даргын үйл ажиллагааны хөтөлбөр, эдийн засаг, нийгмийг 2017 онд хөгжүүлэх үндсэн чиглэлд тусгагдсаны дагуу 20 гаруй жил засварлагдаагүй байсан 4 дүгээр хорооны явган хүний гүүрийг ОНХС-ийн хөрөнгөөр шинээр хийж байна.
Уг гүүрийг барьж байгуулах ажлыг Буланка иргэдийн бүлэг хийж гүйцэтгэж байгаа бөгөөд 07 сард хүлээлгэн өгөх юм.

Дүүргийн Дамдин, Даваажав, Найрамдлын гудамжны авто замын өргөтгөл, шинэчлэлийн ажил эрчимтэй үргэлжилж байна. Замын ажлын явцтай өнөөдөр дүүргийн Засаг дарга Ч.Раднаабазар, Засаг даргын орлогч Х.Анхбаяр нар танилцлаа. Энэ сарын 16-ны өдөр гэхэд Даваажавын гудамжны зорчих хэсгийг бэлэн болгохоор төлөвлөн ажиллаж байна.

Дэлгэрэнгүй: Замын асфальт цутгах ажил хийгдэж байна

2017 оны 07-р сарын 01-ний өдрөөс хэрэгжиж эхлэх эрүүгийн хууль, зөрчлийн тухай, эрүүгийн хэрэг хянан шийдвэрлэх тухай, зөрчил шалган шийдвэрлэх тухай, шүүхийн шийдвэр гүйцэтгэх тухай, прокурорын тухай хуулиуд батлагдсантай холбогдуулан уг хуулиудын үзэл баримтлал, шинэ зохицуулалтын талаар холбогдох хуулийн байгууллагын албан тушаалтнуудад мэдлэг олгох зорилготойгоор Хууль зүйн яам, Налайх дүүргийн Засаг Даргын Тамгын Газартай хамтран 2017 оны 06-р сарын 12-ны өдрөөс 2017 оны 6-р сарын 16-ны өдрийг дуустал 5 хоногийн сургалтыг зохион байгуулж байна. Тус сургалтанд Налайх дүүрэг дэх Цагдаагийн хэлтсийн 50 албан хаагч, Налайх Багахангай дүүргийн прокурорын газрын 9 албан хаагч, 34 улсын байцаагч , Баганхангай дүүргийн Цагдаагийн хэлтсийн 20 албан хаагч, 13 улсын байцаагч, нийт 126 албан хаагчид хамрагдлаа.

Дэлгэрэнгүй: Шинэ хуулийн хэрэгжилтийн тухай Налайх, Багахангай дүүргийн нэгдсэн сургалт болж байна

Өнөөдөр дүүргийн Соёлын ордны өмнөх талбайд "Элэг бүтэн Монгол" үндэсний хөтөлбөрийн нээлт боллоо.
Нээлтийн ажиллагаанд ЭМЯ-ны Төрийн нарийн бичгийн дарга Д.Очирбат, ЭМЯ-ны Төрийн захиргааны удирдлагын газрын дарга Д.Оюунчимэг, Нийслэлийн ЭМГ-ын дарга Л.Төмөрбаатар, ХӨСҮТ-ийн захирал Л.Нямхүү, ХСҮТ-ийн дэд захирал С.Хүрэлсүх, Улсын гуравдугаар төв эмнэлгийн Дотоод хяналтын чанарын албаны дарга н.Одончимэг, НЭМҮТ-ийн Бодлого хэрэгжилтийг зохицуулах хэлтсийн дарга н.Гантуяа, АШУҮИС-ийн дүрс оношилгооны эмч н.Байгальмаа, Налайх дүүргийн Засаг дарга Ч.Раднаабазар, дүүргийн ЭМН-ийн дарга Л.Байгал нар оролцлоо.

Дэлгэрэнгүй: "Элэг бүтэн Монгол" үндэсний хөтөлбөрийн нээлт Налайх дүүрэгт боллоо