Цаг үеийн мэдээ

Олон улсын хүүхдийн эрхийг хамгаалах өдрийг тохиолдуулан “Ел Бирлиги” ТББ, Турк улсын Dost Eli төрийн бус байгууллагатай хамтран 4-р хорооны хүүхэд багачуудыг баярлууллаа. Тус арга хэмжээнд НИТХ-ын төлөөлөгч С.Амарсайхан, дүүргийн ИТХ-ын дарга Б.Нэргүй, Засаг дарга Ч.Раднаабазар, ИТХ-ын тэргүүлэгч К.Сейтхан, “Ел Бирлиги” ТББ-ын гүйцэтгэх захирал Х.Женисбек нар оролцож, бяцхан хүүхдүүдэд баярын мэндчилгээ дэвшүүлж, 4-р хорооны 160 гаруй бяцхан хүүхдэд бэлэг гардуулан өглөө.

Дэлгэрэнгүй: 4-р хорооны 160 гаруй хүүхдэд гарын бэлэг өглөө

Олон улсын хүүхдийн эрхийг хамгаалах өдөр буюу өнөөдөр дүүргийн Эрүүл мэндийн нэгдлийн төрөх тасагт 1 хүү, 1 охин дуугаа хадаан мэндэлжээ.

Дэлгэрэнгүй: Шинэ төрсөн нярайдаа анхны бэлгийг нь гардуулан өглөө

Олон улсын хүүхдийн эрхийг хамгаалах өдрийг тохиолдуулан өнөөдөр дүүргийн 106 эх алдарт эхийн I, II одонгоор энгэрээ мялаалаа. Одон гардуулах ёслолын ажиллагааг нийслэлийн ИТХ-ын төлөөлөгч С.Амарсайхан нээж хэлсэн үгэндээ: "Бүх ээжүүд, тэдний гэр бүл, үр хүүхдүүдэд нь баярын мэнд хүргэе. Миний бие Оюуны ундраа группийнхээ зүгээс өнөөдөр одон гардан авч байгаа бүх ээжүүддээ 20 мянган төгрөгний сэтгэлийн бэлэг өгч байна. Өнөөдөр ээжүүд, үрсийн нүүрэнд инээмсэглэл гэрэлтсэн, аз жаргал бялхсан сайхан өдөр байг ээ" гэв.

Дэлгэрэнгүй: Алдарт эхийн одонгоор 106 ээж энгэрээ мялаалаа

Олон улсын хүүхдийн эрхийг хамгаалах өдрийн баярын үйл ажиллагааг өнөөдөр 3, 4 дүгээр хороо хороон дээрээ зохион байгуулсан. Дүүргийн Засаг дарга Ч.Раднаабазар, Засаг даргын Эдийн засаг, хот байгуулалт хариуцсан орлогч Ц.Нарандалай, Нийгмийн чиглэлийн төсөл хөтөлбөрийн удирдагч бөгөөд Засаг даргын орлогч Х.Анхбаяр, ЗДТГ-ын дарга Ж.Алтангэрэл нар тус хороодын хүүхдийн баярын арга хэмжээнд оролцлоо. Энэ үеэр тэмцээн уралдаануудад амжилттай оролцсон хүүхэд багачууддаа баяр хүргэн, бэлэг гардуулан өгсөн юм.

Олон улсын хүүхдийн эрхийг хамгаалах өдрийг тохиолдуулан дүүргийн Засаг дарга Ч.Раднаабазар, Засаг даргын Нийгмийн хөгжлийн асуудал хариуцсан орлогч Х.Анхбаяр, НХХ-ийн дарга М.Баттулга нар дүүргийн Эрүүл мэндийн нэгдлийн Хүүхдийн тасагт хэвтэн эвчлүүлж байгаа 25 хүүхэд, багачуудыг эргэж, хурдан эдгэрээд гарахыг хүсээд гарын бэлэг гардуулан өглөө.