Цаг үеийн мэдээ

2014 оны 12 дугаар сарын 19-ны өдөр болсон дүүргийн ИТХ-ын ээлжит 11 дүгээр хуралдаанаар Налайх дүүрэг 2015 оны төсвөө хуулийн хугацаанд нь баталж чадаагүй тул  нийслэлийн Засаг дарга бөгөөд Улаанбаатар хотын захирагч Э.Бат-Үүл захирамж гарган Налайх дүүргийг төсвийн түр горимд шилжүүлээд байсан билээ.

Энэ дуулианы үр дүнд Налайх дүүргийн 2015 оны төсөв, дүүргийн эдийн засаг, нийгмйн 2015 оны зорилт өнөөдрийг хүртэл батлагдаж чадаагүй. Дүүргийн ИТХ-ын ээлжит бус хуралдаан хуралдсан ч нэр бүхий зарим төлөөлөгчид хурлын ажлын албаны даргын өрөөний цоожийг эвдэн хурлын тамга бүхий сейфийг хууль бусаар авсан тул хуралдаанаас гарсан шийдвэрүүд хүчин төгөлдөр бус болж чадахгүй байсан.

Дэлгэрэнгүй: Дүүргийн ИТХ-ын тамга “өрөөндөө ирлээ”

Дүүргийн Засаг даргын дэргэдэх байгууллагуудад архив, албан хэрэг хөтлөлтийн стандартыг мөрдүүлэх, ажил хариуцсан ажилтнуудын мэдлэг, ур чадварыг нэмэгдүүлэх зорилгоор ЗДТГ-ын Захиргаа, хуулийн хэлтсээс дээрх сургалтыг зохион байгууллаа.

Дэлгэрэнгүй: Архив, бичиг хэрэг, хүний нөөцийн ажилтнуудад сургалт хийлээ

            Налайх дүүргийн Засаг даргын тамгын газраас зохион байгуулж буй "НАЛАЙХ БАРИЛГА 2015" барилгын материал, техник технологи, орон сууцны үзэсгэлэн 2015 оны 4 дүгээр сарын 10-ны өдөр Соёл урлагийн ордны өмнөх талбайд 10.00 цагаас эхлэх зохион байгуулагдана.

Тус үзэсгэлэн нь дүүрэгт барилгын материал үйлдвэрлэгч, ханган нийлүүлэгч, барилгын багаж хэрэгсэл, тоног төхөөрөмжийн импорт, худалдаа эрхлэгч аж ахуйн нэгж байгууллагуудын бүтээгдэхүүн үйлчилгээг сурталчилах, салбар хоорондын хамтын ажиллагаагааг өргөжүүлэх боломж, түүнчлэн сүүлийн үеийн шинэ дэвшилтэт техник технологийн талаар олон нийтэд таниулан сурталчилах зэрэг боломжуудыг олгох юм байна.

Дэлгэрэнгүй: “Налайх барилга 2015” үзэсгэлэн болно

Дүүргийн Боловсролын хэлтсээс "Хүүхэд бүрийг хөгжүүлэх хичээл"-ийн үйл ажиллагааны туршлага солилцох зөвлөгөөнийг амжилттай зохион байгууллаа. Зөвлөгөөнд дүүргийн Голомт, Эрмийн-Оргил, Чандмань цогцолбор сургууль, 109 дүгээр бага сургуулиудаас гадна Багахангай дүүргийн Хангай цогцолбор сургуулийн багш нар оролцсон бөгөөд Үндэсний лаборатори 119 дүгээр сургуулийг түшиглэн явуулсан. Энэ зөвлөгөөний зорилго нь САЙН ХИЧЭЭЛИЙН САН-г бүрдүүлэх байсан бөгөөд цаашид уламжлал болгон зохион байгуулна.

НМХГ-ын Налайх дүүрэг дэх Мэргэжлийн хяналтын хэлтсийн даргын баталсан “Налайх дүүргийн хүн амын ундны усны чанар, аюулгүй байдалд шинжилгээтэй хяналт хийх тухай” удирдамжийн дагуу төвлөрсөн ус хангамжийн 2 цэг, төвлөрсөн бус хангамжийн 29 ус түгээх байр, усны машин зэрэгт хяналт шинжилгээ хийж, ундны усны 62 дээж авч, хэлтсийн хими, нян судлалын лабораторит шинжлүүлэн дүгнэлт гаргалаа.

Мөн дүүргийн Бүх ус түгээх байрны барилгажилтын судалгааг гаргаж, шаардлага хангахгүй ус түгээх байруудын барилгыг шинэчлэх, зарим усан сангуудыг солих хөрөнгийг шийдвэрлүүлэх асуудлын талаар “Чандмань-Налайх” ОНӨААТҮГазарт шаардлага хүргэлээ. Мөн энэ үеэр тус хэлтсээс ус хангамжийн ажилтнууд, ус түгээгч нарт “Усны эрүүл ахуй” сэдвээр сургалт явууллаа.