Цаг үеийн мэдээ

Нийслэлийн Цэвэр агаар төсөл, дүүргийн Засаг даргын Тамгын газартай хамтран агаарын бохирдлыг бууруулах ажлын хүрээнд “Сайжруулсан зуух” хөтөлбөр дүүрэгт амжилттай хэрэгжиж эхэллээ. Хөтөлбөрийн нээлт 2015 оны 03 дугаар сарын 16-ын өдөр Соёл урлагийн ордны өмнөх талбайд боллоо.

Дэлгэрэнгүй: “Сайжруулсан зуух” хөтөлбөр дүүрэгт хэрэгжиж байна

Зэвсэгт хүчний 94 жилийн ой, Монгол цэргийн өдрийн хүрээнд дүүргийн Засаг даргын Тамгын газрын Цэргийн штаб, дүүргийн Ахмадын хороотой хамтран “Дайчин замнал” 3 үеийн уулзалт, хүндэтгэлийн арга хэмжээг зохион байгууллаа.

Дэлгэрэнгүй: “Дайчин замнал” 3 үеийн уулзалт, хүндэтгэлийн арга хэмжээ боллоо

Зэвсэгт хүчний 94 жилийн ой, Монгол цэргийн өдрийг тохиолдуулан дүүргийн Засаг даргын Тамгын газрын Цэргийн штабаас олон арга хэмжээг санаачлан зохион байгуулж байгаа билээ.

Энэ удаад дүүргийн Ерөнхий боловсролын сургуулийн 9 дүгээр ангийн сурагчдын дунд танин мэдэхүйн АХА тэмцээнийг амжилттай зохион байгуулсан.

Тэмцээнд “Чандмань”, “Эрдмийн-Оргил” цогцлобор, 119 дүгээр сургуулийн сурагчид оролцсоноос 1-р байранд “Чандмань” цогцолбор сургуулийн 9а ангийн сурагч Б.Мөнхцэцэг, 2-р байранд “Эрдмийн-Оргил” цогцолбор сургуулийн 92 ангийн сурагч Э.Нямжаргал, 3-р байранд “Чандмань” цогцолбор сургуулийн 9а ангийн сурагч З.Эрхэмбаяр нар тус тус шалгарлаа.

         МХЕГ-ын даргын баталсан 2015 оны 99 тоот тушаал, 01/25 тоот удирдамжийн дагуу улсын хэмжээнд барилга, өргөх байгууламж, эрчим хүч, зам тээвэр, уул уурхай, газрын тос зэрэг салбаруудад гарч буй удаа дараагийн осол аваарыг бууруулах, осол аваар гарахаас урьдчилан сэргийлэх, байгууллагуудын ажилтнуудын ажлын хариуцлага, сахилга батыг дээшлүүлэх, барилгын чанар аюулгүй байдлыг хангуулах, газар хөдлөлтийн үеийн бат бэхийн байдалд үнэлэлт дүгнэлт өгөх, холбогдох хууль тогтооомж, стандартын хэрэгжилтийг хангуулах хүрээнд  хөдөлмөрийн аюулгүй байдлыг хангуулах “Хүний төлөө-Зөв тус” сэдэвт сарын аяныг өрнүүлж, үйл ажиллагаа нь эрчимтэй явагдаж байна.

Налайх дүүрэг дэх Мэргэжлийн хяналтын хэлтсээс сарын аяны хүрээнд гүйцэтгэх ажлын төлөвлөгөөг батлуулж, 2015 оны 03 дугаар сарын 09-ны өдөр “Тэлмэн констракшин” ХХК-ийн барилга угсралтын талбайд нээлтийн үйл ажиллагааг эхэлүүлсэн.

Нээлтийг НМХГ-ын Налайх дүүрэг дэх Мэргэжлийн хяналтын хэлтсийн дарга М.Ганбаатар нээж үг хэлж, дүүргийн ЗДТГ, Хөдөлмөрийн хэлтэс, УУААлба, ЭМН-ийн төлөөлөлүүд хөтөлбөрийн дагуу оролцож, үнэтэй зөвлөгөө өгч, хамтран ажиллах талаар санал солилцож, мэдээ мэдээллээр хангаж ажиллалаа.

Мөн нээлтийн үйл ажиллагаанд “Тэлмэн констракшин” ХХК-ийн захиалагч болон гүйцэтгэгч 5 компаний ажиллагсад, Бласт ХХК, Дулааны станц,” УБЦТС” ХК-ийн Налайх салбар, УУАлба зэрэг 10 аж ахуйн нэгж байгууллагын 112 хүн хамрагдлаа гэж НМХГ-ын Налайх дүүрэг дэх Мэргэжлийн хяналтын хэлтсээс мэдээллээ.

2015-2016 оны хичээлийн жилд дүүргийн ЕБС-иудыг 149 сурагч төгсөж байгаа бөгөөд эдгээр болон Албан бус-Насан туршийн боловсролын төвийг төгсөж буй сурагчдад “Мэргэжлээ хэрхэн сонгох талаар” уулзалт зохион байгууллаа. Тус уулзалтыг дүүргийн Эдийн засаг, нийгмийн хөгжлийн асуудал хариуцсан орлогч Ч.Зоригт нээж үг хэлсэн бөгөөд уулзалтад Голомт цогцолбор, Эрдмийн-Оргил цогцолбор, Чандмань цогцолбор, 119 дүгээр сургууль, Албан бус-Насан туршийн боловсролын төвийн нийт 108 сурагч, 1 сургалтын менежер, 8 багш, 3 эцэг эх хамрагдсан.

Уулзалтын үеэр Налайх дүүрэг дэх Мэргэжлийн сургалт, үйлдвэрлэлийн төв, Монгол-Германы хамтарсан Ашигт малтмал, технологийн их сургуулийн багш Химийн шинжлэх ухааны доктор Б.Батцэнгэл нар өөрсдийн сургуулийн талаарх танилцуулга хийсэн бол дүүргийн Хөдөлмөрийн хэлтсийн мэргэжилтэн Д.Цэрэндаш сурагчдад зориулж “Мэргэжил  сонгох тухай” лекц уншиж, зөвлөгөө өглөө.

Тус уулзалтын нэгэн онцлог нь Сургалтын төрийн сангийн хөнгөлөлтөд хэрхэн хамрагдах тухай Нийслэлийн сургалтын төрийн сангийн мэргэжилтэн Б.Зоригоо танилцуулга хийж, гарын авлагыг сурагчдад өгч, сонирхосон асуултуудад хариулж байлаа.