ЗУРГААДУГААР ХОРООНД СМАРТ КАМЕР СУУРИЛУУЛЛАА

ДҮҮРГИЙН 6 ДУГААР ХОРООНЫ НУТАГ ДЭВСГЭРТ 360 ГРАДУС ЭРГЭДЭГ, ӨДӨР ШӨНИЙН, ӨНГӨТ, СМАРТ 1 ШИРХЭГ, ГЭРЭЛ УНАГААГЧТАЙ ЧИГЛЭЛИЙН СМАРТ КАМЕР СУУРИЛУУЛЛАА

Дүүргийн Гэмт хэргээс урьдчилан сэргийлэх ажлыг зохицуулах салбар зөвлөлийн санхүүжилтээр гэмт хэрэг, гал түймэр, хог хаягдал, хулгайн гэмт хэргийг бууруулах зорилгоор 6 дугаар хорооны төв, МТ колонкын замын зүүн талд “Агаарын захиа” ХХК-тай байгуулсан ажлын гэрээний дагуу 360 градус эргэдэг, өдөр шөнийн, өнгөт, смарт камер, гэрэл унагаагчтай, чиглэлийн смарт камер 1 ширхэгийг шинээр суурилуулан ашиглалтанд орууллаа.

Уг камер нь 5 megapixel нягтаршилтай, 4 мм линзтэй, 50 м шөнийн тусгалтай, харанхуй нөхцөлд авто машины гэрлийн гялбаанд орохгүй, улсын дугаарыг барьж авч тодотгон харуулах зориулалттай, смарт PTZ 360 IP камер бөгөөд тухайн цэг дээрээсээ цагдаагийн тусламж авах боломжтой юм.

Цаашид гэмт хэргээс урьдчилан сэргийлэх зорилгоор дүүргийн хэмжээнд камержуулалт шаардлагатай цэгүүдийн судалгааг нарийвчлан гаргаж, шинээр камержуулалтыг нэмэгдүүлэх зорилт тавин ажиллаж байна.