ЦАГДААГИЙН АЛБАНЫ БОЛОН ДОТООДЫН ЦЭРГИЙН БАЙЛДААНЫ ТУГАНД ХҮНДЭТГЭЛ ҮЗҮҮЛЭХ, ЦАГДААГИЙН ТАНГАРАГ ДАВТАХ ЁСЛОЛЫН АЖИЛЛАГАА НАЛАЙХ ДҮҮРЭГТ ЗОХИОН БАЙГУУЛАГДЛАА

Сүхбаатарын одонт, Байлдааны гавьяаны болон Цэргийн гавьяаны улаан тугийн одонт Цагдаагийн албаны болон Дотоодын цэргийн байлдааны туганд хүндэтгэл үзүүлэх, цагдаагийн тангараг давтах ёслолын арга хэмжээ өнөөдөр /2023.05.04/ Нийслэлийн Налайх дүүргийн Соёл урлагын ордны өмнөх талбайд зохион байгуулагдлаа.

Ёслол, хүндэтгэлийн арга хэмжээнд Цагдаагийн ерөнхий газрын даргын зөвлөлийн гишүүн, Экологийн цагдаагийн албаны дарга, цагдаагийн хурандаа М.Батсайхан, Бригадын генерал А.Дулаанжаргал, дүүргийн иргэдийн Төлөөлөгчдийн Хурлын дарга П.Нарантуяа, Засаг дарга Ч.Раднаабазар нар болон бусад зочид төлөөлөгчид, дүүргийн цэргийн хүрээний анги байгууллагуудын алба хаагчид оролцлоо.

Туг цэнгүүлэх ёслолын арга хэмжээний үеэр Цагдаагийн ерөнхий газрын “Сүлд” чуулгын уран бүтээлчид урлагийн тоглолт үзүүллээ.