Налайх дүүрэг
2024 ОНЫ 07 ДУГААР САРЫН 01-НИЙ ӨДРИЙН ДҮҮРГИЙН УДИРДАХ АЖИЛТНУУДЫН ШУУРХАЙ ЗӨВЛӨГӨӨН ДЭЭР ӨГСӨН ҮҮРЭГ ДААЛГАВАР
1. Үндэсний их баяр наадмыг зохион байгуулах бэлтгэл ажлыг сайтар хангаж, холбогдох байгууламжуудын засвар, тохижилтын ажлыг эрчимжүүлэх. (Нийгмийн хөгжлийн хэлтэс, Тохижилт нийтийн аж ахуйн хэлтэс, хороод, холбогдох байгууллагууд)
Хяналт тавих албан тушаалтан: Засаг даргын орлогч Н.Мандуул
2. Хөрөнгө оруулалт, бүтээн байгуулалтын ажлын хүрээнд авто замын тендерийн ажлыг шуурхай зохион байгуулах. (Санхүү төрийн сангийн хэлтэс, Худалдан авах ажиллагааны алба, Тохижилт нийтийн аж ахуйн хэлтэс, холбогдох байгууллагууд)
Хяналт тавих албан тушаалтан: Дүүргийн менежер С.Ялалт
3. Хүнсний худалдаа, хоол үйлдвэрлэл, үйлчилгээ явуулж буй иргэн, аж ахуйн нэгжийн үйл ажиллагаанд хяналт тавьж, хүнсний чанар, аюулгүй байдал, эрүүл ахуйн шаардлагыг хангуулах урьдчилан сэргийлж ажиллах. (Хүнс, худалдаа үйлчилгээний хэлтэс, холбогдох байгууллагууд)
Хяналт тавих албан тушаалтан: Хүнс, худалдаа, үйлчилгээний хэлтэс Ц.Тунгалаг
4. Үер усны аюулаас урьдчилан сэргийлэх ажлыг сайтар зохион байгуулах, (Тохижилт нийтийн аж ахуйн хэлтэс, Тохижилт үйлчилгээ ОНӨААТҮГ, хороод, холбогдох байгууллагууд)
Хяналт тавих албан тушаалтан: Дүүргийн менежер С.Ялалт
5. Өвөлжилтийн бэлтгэл ажлыг сайтар хангах. (Чандмань Налайх ОНӨААТҮГ, Налайх Дулааны станц ТӨХК, УБЦТС ТӨХК Налайх төв, инженер хангамжийн байгууллагууд)
Хяналт тавих албан тушаалтан: Дүүргийн менежер С.Ялалт
- НЗД-ын 2018 оны А/998 дугаар захирамжаар батлагдсан журмын дагуу Үндэсний их баяр наадмын үеэр “Хариуцлагатай жижүүрээр ажиллах хуваарь”-ийг холбогдох байгууллагуудад мэдээлэх, үүссэн нөхцөл байдал, авч хэрэгжүүлсэн арга хэмжээ, хариуцлагатай жижүүрээр ажилласан тайланг байгууллагууд 2024.07.16-нд ЗДТГ-т ирүүлнэ үү. (Төрийн захиргааны удирдлагын хэлтэс, нийт байгууллагууд)
Хяналт тавих албан тушаалтан: Төрийн захиргааны удирдлагын хэлтэс М.Баттулга
- Бороо орсон өдрүүдэд нийтийн эзэмшлийн гудамж болон туслах зам, явган замуудад тогтсон усыг соруулах, зайлуулах арга хэмжээ авч, иргэдийн аюулгүй зорчих хөдөлгөөний нөхцөлийг хангаж ажиллах, (Тохижилт нийтийн аж ахуйн хэлтэс, Хүнс худалдаа үйлчилгээний хэлтэс, Онцгой байдлын хэлтэс, Чандмань Налайх ОНӨААТҮГ, Тохижилт үйлчилгээ ОНӨААТҮГ, хороод)
Хяналт тавих албан тушаалтан: Дүүргийн менежер С.Ялалт
- Баярын өдрүүдэд Туул голын дагуу иргэд амарч зугаалах байршлуудад тавигдах эко нойлуудын цэвэрлэгээ үйлчилгээ, арчлалтыг хариуцах, хог хаягдлыг шуурхай цэвэрлэж, тээвэрлэх, иргэдэд хог хаягдлыг ил задгай хаяхгүй байх, үүсгэсэн хог хаягдлаа өөрсдөө тээвэрлэж, зориулалтын хогийн цэгт хаях санамж, сурталчилгаа, нөлөөллийн ажлуудыг явуулах, (Шуурхай удирдлага, хяналт мэдээллийн төв ААТҮГ, Хүнс худалдаа үйлчилгээний хэлтэс, Тохижилт үйлчилгээ ОНӨААТҮГ, нийт байгууллагууд)
Хяналт тавих албан тушаалтан: Дүүргийн менежер С.Ялалт
- Баярын өдрүүдэд ажиллах машин техникийн бэлэн байдлыг хангах, зам талбайд жижүүрийн бригад гаргаж ажиллуулах, ил задгай хогийн цэг, бункерүүдийг шуурхай ачиж тээвэрлэх. (Хүнс худалдаа үйлчилгээний хэлтэс, Тохижилт үйлчилгээ ОНӨААТҮГ, холбогдох байгууллагууд)
Хяналт тавих албан тушаалтан: Дүүргийн менежер С.Ялалт
- “Шарилжгүй Улаанбаатар 2024” аяныг 2024.07.01-ээс батлагдсан удирдамж, аргачлалын дагуу зохион байгуулж хяналт тавих, явцын мэдээллээр хангах. Иргэд өөрийн эзэмшлийн газар, хашаан дахь шарилжийг цэвэрлэх ажлыг удирдлага зохион байгуулалтаар хангаж ажиллах. (Хүнс худалдаа үйлчилгээний хэлтэс, Цэцэрлэгжүүлэлтийн алба, Тохижилт үйлчилгээ ОНӨААТҮГ, холбогдох байгууллагууд)
Хяналт тавих албан тушаалтан: Дүүргийн менежер С.Ялалт
- Дүүрэгт нийтийн тээврийн үйлчилгээ үзүүлж буй автобусуудад угаалга цэвэрлэгээг хийж, ариутгах, өнгө үзэмжийг сайжруулах, (Хүнс, худалдаа, үйлчилгээний хэлтэс, холбогдох байгууллагууд)
Хяналт тавих албан тушаалтан: Хүнс, худалдаа, үйлчилгээний хэлтэс Ц.Тунгалаг
Үүрэг даалгаврын биелэлтийг 2024 оны 07 дугаар сарын 16-ны өдрийн 12.00 цагаас өмнө ТЗУХ-ийн мэргэжилтэн С.Энхжаргалд ирүүлнэ үү. Жич: Үүрэг даалгаврын биелэлтийг илгээхдээ холбогдох ажлын нотлох баримт (баталсан тушаал, төлөвлөгөө), зураг, илтгэх хуудсыг хамт ирүүлнэ үү.
