НАЛАЙХ ДҮҮРЭГТ 7023-3617 УТСААР 24 ЦАГИЙН ТУРШИД МЭДЭЭЛЭЛ ХҮЛЭЭН АВНА

Налайх дүүргийн Засаг даргын 2020 оны 02 дугаар сарын 20-ны өдрийн захирамжаар "Шинэ Коронавирусын халдвараас урьдчилан сэргийлэх шуурхай штаб" байгуулагдан Засаг даргын Тамгын газарт 02 сарын 20-ны өдрөөс эхлэн 24 цагаар ажиллаж эхэллээ.
Шуурхай штабт ЗДТГ-ын хэлтэс болон байгууллагын дарга удирдлагууд, ЗДТГ-ын мэргэжилтнүүд хуваарийн дагуу үүрэг гүйцэтгэж ажиллах юм.
Шуурхай штаб хороодод ажиллаж байгаа эргүүл жижүүрийн мэдээллийг хүлээн авч нэгтгэх, авто тээврийн шалган нэвтрүүлэх товчоо болон мэргэжлийн чиг үүргийн байгууллагуудаас шуурхай мэдээлэл хүлээн авч нийслэлийн шуурхай штабт мэдээлэл дамжуулан ажиллаж байна.
2020 оны 02 сарын 22-ны өдөр дүүргийн Засаг дарга Ч.Раднаабазар дүүргийн шуурхай штабын үйл ажиллагааг шалгаж, зарим үүрэг даалгавар, зааварчилгаа өглөө.
Дүүргийн шуурхай штаб 03 сарын 30-ны өдрийг хүртэлх хугацаанд 24 цагаар ажиллах бөгөөд 7023-3617 дугаарын утсаар иргэдэд мэдээлэл хүргэх юм.

ХАЛДВАРЫН ЭСРЭГ ХАМТДАА ХИЧЭЭЦГЭЭЕ.