"МАНАЙ ХОРОО-МИНИЙ ГУДАМЖ" АЯНД ДҮҮРЭГТЭЭ ТЭРГҮҮЛСЭН ИРГЭН, АЖ АХУЙН НЭГЖ, БАЙГУУЛЛАГЫГ ШАЛГАРУУЛЛАА

2020 оныг “Нэг хот-нэг стандарт” зорилтот жил болгон зарласан. Үүнтэй холбогдуулан Улаанбаатар хотын Захирагчийн ажлын албанаас зарласан “Манай хороо-Миний гудамж” аянд Налайхчууд өндөр амжилт гаргаж, нийт 7 номинацийн 6-д нь Налайх дүүрэг шагналт байр эзэлсэн. “Манай хороо-Миний гудамж” аяны 2020 оны шилдэг дүүргээр Налайх дүүрэг шалгарсан.

Тэгвэл өнөөдөр дүүрэгтээ амжилт гаргасан хороо, байгууллага, иргэн, аж ахуйн нэгжид шагнал гардуулах ёслолын үйл ажиллагаа ЗДТГ-ын хуралдааны танхимд боллоо.

"Манай хороо-Миний гудамж" аяны хүрээнд орчныхоо тохижилт, шинэлэг ажлуудыг зохион байгуулж, дүүргийнхээ өнгө үзэмжийг нэмэгдүүлэхэд бодит хувь нэмрээ оруулсан байгууллага, аж ахуйн нэгж, иргэдийг 6 номинацийн хүрээнд шалгаруулсан байна.

Шилдэг хороо:

-7 дугаар хороо

-1 дүгээр хороо

-3 дугаар хороо

Шилдэг өрх:

-7 дугаар хорооны иргэн Г.Үнэнгэрэл

-1 дүгээр хорооны иргэн Ч.Баттулга

-3 дугаар хорооны иргэн З.Даваажав

Шилдэг орон сууцны байгууллага, аж ахуйн нэгж:

-123 дугаар цэцэрлэг

Шилдэг гэр хорооны байгууллага, аж ахуйн нэгж:

-Гюүдон хаус ХХК-ийн Жигүүр амралтын газар

-Блү голд ХХК

Шилдэг СӨХ:

-Илч Налайх СӨХ

Шилдэг үйлчилгээний байгууллага:

-Гэрэлтүүлэг чимэглэлийн алба

-Цэцэрлэгжүүлэлтийн алба тус тус шалгарлаа.

Шагналыг дүүргийн Засаг даргын орлогч С.Тунгалаг, ЗДТГ-ын дарга Ж.Алтангэрэл, ТЗУХ-ийн дарга М.Баттулга нар гардуулан өгч баяр хүргэлээ.

Дүүргийнхээ өнгө үзэмжийг нэмэгдүүлэхэд бодит хувь нэмрээ оруулсан байгууллага, аж ахуйн нэгж, иргэддээ талархал дэвшүүлье.

ИРГЭДИЙН ОРОЛЦООТОЙ ХӨГЖЛИЙН ТӨЛӨӨ ХАМТДАА