Налайх дүүрэг
2024 ОНЫ 08 ДУГААР САРЫН 12-НЫ ӨДРИЙН ДҮҮРГИЙН УДИРДАХ АЖИЛТНУУДЫН ШУУРХАЙ ЗӨВЛӨГӨӨН ДЭЭР ӨГСӨН ҮҮРЭГ ДААЛГАВАР
1. Дүүргийн хэмжээнд гэрэлтүүлгийн асалтад хяналт тавьж, үзлэг шалгалтыг зохион байгуулан, шинээр хийгдэж байгаа гоёлын гэрэлтүүлгийг чанартай хийж гүйцэтгэх, гүйцэтгэлд тогтмол хяналт тавьж ажиллах, (Тохижилт нийтийн аж ахуйн хэлтэс, Гэрэлтүүлэг Чимэглэлийн алба, холбогдох байгууллагууд)
Хяналт тавих албан тушаалтан: Дүүргийн менежер С.Ялалт
2. Хичээлийн шинэ жил эхлэхтэй холбогдуулан дүүрэгт үйл ажиллагаа явуулж байгаа аж ахуйн нэгж, байгууллагууд ойр орчны 50м хүртэлх зам талбай, нийтийн эзэмшлийн талбай, ногоон байгууламж доторх хог, хаягдлыг түүж цэвэрлэх, орчны тохижилтын ажлыг сайжруулах, (Тохижилт нийтийн аж ахуйн хэлтэс, Хүнс худалдаа үйлчилгээний хэлтэс, Тохижилт үйлчилгээ ОНӨААТҮГ, Цэцэрлэгжүүлэлтийн алба, нийт байгууллагууд)
Хяналт тавих албан тушаалтан: Дүүргийн менежер С.Ялалт
3. Дүүргийн хэмжээнд “Эко мобилет” аяныг өрнүүлж, иргэд олон нийтийг дугуй унах тээврийн тогтвортой төрлийг сонгох зэрэг уриалгад нэгдүүлж, шинэ ажил санаачлах (байгууллагынхаа урд дугуйн зогсоолтой болох гэх мэт), сурталчлах ажлуудыг зохион байгуулах, (нийт байгууллагууд)
Хяналт тавих албан тушаалтан: Засаг даргын орлогч Н.Мандуул
4. Төсвийн сахилга бат, хариуцлагыг сайжруулж, байгууллагын үргүй зардлыг багасгаж, дотоод хяналт шалгалтаа сайжруулах албан даалгавар гаргаж, хэрэгжилтэд хяналт тавьж ажиллах, хөрөнгө оруулалтын бүтээн байгуулалтын ажлын хүрээнд хийгдэж байгаа ажлуудыг хөдөлмөрийн аюулгүй байдал, эрүүл ахуйн шаардлага, стандартыг хангах, ажилтан, хөдөлмөр эрхлэгч иргэнийг эрүүл, аюулгүй орчинд ажиллах нөхцөлийг бүрдүүлж ажиллуулах. (Санхүү төрийн сангийн хэлтэс, Хөдөлмөр халамж үйлчилгээний хэлтэс, Дотоод аудитын алба, нийт байгууллагууд)
Хяналт тавих албан тушаалтан: Санхүү төрийн сангийн хэлтэс Г.Бат-Очир
5. Гэр хороололд хоёр дахь түүхий эд буюу төмөр, бусад зүйлийг худалдан авч байгаа газруудад цацрагийн хэмжээг шалгаж, мэргэжлийн байгууллагын дүгнэлтийг гаргаж танилцуулах, оршин суугч, иргэдийн эрүүл, аюулгүй орчинд амьдрах эрхийг хангаж хууль, журам зөрчсөн, стандартын бус хашаа, хайс барьсан газруудын зөрчлийг арилгах, газрыг чөлөөлөх ажлуудаа эрчимжүүлэх. (Хүнс худалдаа үйлчилгээний хэлтэс, хороод, холбогдох байгууллагууд)
Хяналт тавих албан тушаалтан: Дүүргийн менежер С.Ялалт
Дүүргийн удирдлагууд өөрсдийн хариуцсан нутаг дэвсгэртээ хот нийтийн аж ахуй, нийтийн эзэмшлийн гудамж зам талбай болон явган хүний зам талбайн нөхцөл байдалтай газар дээр нь явж ажилласан талаар дараагийн Нийслэлийн Удирдах ажилтнуудын Шуурхай зөвлөгөөн дээр танилцуулах. (Тохижилт нийтийн аж ахуйн хэлтэс, хороод, холбогдох байгууллагууд)
Хяналт тавих албан тушаалтан: Дүүргийн менежер С.Ялалт
- Өвөлжилтийн бэлтгэл хангах ажлын хүрээнд инженерийн шугам сүлжээний ажлыг эрчимжүүлж, нөхөн сэргээлтийн ажлыг чанар, стандартын дагуу хийлгүүлж, хэрэгжилтэд хяналт тавьж ажиллах. (Тохижилт нийтийн аж ахуйн хэлтэс, хороод, Налайх Дулааны станц ТӨХК, Чандмань Налайх ОНӨААТҮГ, нийт байгууллагууд)
Хяналт тавих албан тушаалтан: Дүүргийн менежер С.Ялалт
- Дүүргийн хэмжээнд агаар, хөрс, усны бохирдлоос сэргийлэх зорилгоор “Сэргээгдэх эрчим хүч”-ний талаар танилцуулга бэлтгэж, иргэдэд олон нийтэд сурталчлан таниулах бэлтгэл ажлыг хангах. (Тохижилт нийтийн аж ахуйн хэлтэс, Хүнс, худалдаа, үйлчилгээний хэлтэс, УБЦТС ТӨХК-ийн Налайх төв, холбогдох байгууллагууд)
Хяналт тавих албан тушаалтан: Дүүргийн менежер С.Ялалт
- Хичээлийн шинэ жилийн бэлтгэл ажлыг сайтар хангаж, шинэ шийдэл гаргаж, сургууль, цэцэрлэгийн барилга угсралт, хөрөнгө оруулалтын талаар нэгтгэж танилцуулах. (Санхүү төрийн сангийн хэлтэс, Нийгмийн хөгжлийн хэлтэс, Боловсролын хэлтэс, сургууль, цэцэрлэгүүд, холбогдох байгууллагууд)
Хяналт тавих албан тушаалтан: Засаг даргын орлогч Н.Мандуул
- “Сургуулийн автобус”-ны аюулгүй ажиллагаа, техникийн бүрэн бүтэн байдалд хяналт тавьж, сургуулийн автобусыг мэргэжлийн чиг үүргийн байгууллага болох автобус баазад шилжүүлж, засвар арчлалтыг хийлгүүлэх. (Санхүү төрийн сангийн хэлтэс, Нийгмийн хөгжлийн хэлтэс, Боловсролын хэлтэс, сургууль, цэцэрлэгүүд, холбогдох байгууллагууд)
Хяналт тавих албан тушаалтан: Засаг даргын орлогч Н.Мандуул
- Дүүргийн хэмжээнд дуусаагүй байгаа сургууль, цэцэрлэгийн барилгын асуудлыг хэрхэн шийдвэрлэх, цаашид авч хэрэгжүүлэх арга хэмжээний саналыг нэгтгэн дараагийн Нийслэлийн Удирдах ажилтнуудын Шуурхай зөвлөгөөн дээр танилцуулах. (Санхүү төрийн сангийн хэлтэс, Нийгмийн хөгжлийн хэлтэс, Боловсролын хэлтэс, сургууль, цэцэрлэгүүд, холбогдох байгууллагууд)
Хяналт тавих албан тушаалтан: Засаг даргын орлогч Н.Мандуул
- Нийслэлийн нутгийн захиргааны байгууллагууд нийслэлийн удирдах ажилтны шуурхай зөвлөгөөний үеэр тулгамдсан асуудлаа танилцуулах хүсэлтүүдийг ирүүлэх (Төрийн захиргааны удирдлагын хэлтэс, Нийгмийн хөгжлийн хэлтэс, Тохижилт нийтийн аж ахуйн хэлтэс, Хүнс худалдаа үйлчилгээний хэлтэс, Боловсролын хэлтэс, холбогдох байгууллагууд)
Хяналт тавих албан тушаалтан: Засаг даргын орлогч Н.Мандуул
- “Шарилжгүй Улаанбаатар” аяны хүрээнд нийтийн эзэмшлийн гудамж, гэр хорооллын гудамж зам талбай болон аж ахуйн нэгж байгууллагуудын орчны гадна талбайн шарилж, луулийг цэвэрлэх ажлуудаа эрчимжүүлж, хэрэгжилтэд хяналт тавьж ажиллах. (Тохижилт нийтийн аж ахуйн хэлтэс, Хүнс, худалдаа, үйлчилгээний хэлтэс, хороод, нийт байгууллагууд)
Хяналт тавих албан тушаалтан: Дүүргийн менежер С.Ялалт
- Хороод өөрсдийн нутаг дэвсгэрт үйл ажиллагаа явуулж байгаа аж ахуйн нэгж байгууллагуудтай уулзаж, орчны тохижилтын ажлыг хийлгүүлэх. (Тохижилт нийтийн аж ахуйн хэлтэс, хороод, холбогдох байгууллагууд)
Хяналт тавих албан тушаалтан: Тохижилт нийтийн аж ахуйн хэлтэс Д.Оюунбилэг
- Суурьшлын бүсээс мал гаргах, эзэнгүй нохой, муур устгах ажлуудаа шуурхай зохион байгуулах. (Хүнс худалдаа үйлчилгээний хэлтэс, Хөдөө аж ахуй тасаг, холбогдох байгууллагууд)
Хяналт тавих албан тушаалтан: Хүнс, худалдаа, үйлчилгээний хэлтэс Ц.Тунгалаг
Үүрэг даалгаврын биелэлтийг 2024 оны 08 дугаар сарын 20-ны өдрийн 12.00 цагаас өмнө ТЗУХ-ийн мэргэжилтэн С.Энхжаргалд ирүүлнэ үү. Жич: Үүрэг даалгаврын биелэлтийг илгээхдээ холбогдох ажлын нотлох баримт (баталсан тушаал, төлөвлөгөө), зураг, илтгэх хуудсыг хамт ирүүлнэ үү.
