Их Монгол Улс байгуулагдсаны 813 жил, Ардын хувьсгалын 98 жил, Налайх дүүргийн 97 жилийн ойн баяр наадам нартай, хуртай сайхан эхэллээ.
Өнөөдөр буюу 07 сарын 05-ны өдөр азарганы уралдаанаар хурдан морьдын уралдаан эхэллээ.
Налайхын голд өнөөдөр 39 хурдан азарга тоосоо өргөснөөс Налайх дүүргийн уяач Н.Батболдын хонгор болон хээр азарга хол тасархай түрүүлж, аман хүзүүдлээ.
Айргийн 3-д н.Энхбатын хээр давхисан бол 4-д н.Наранбаярын цавьдар халзан, айргийн 5-д н.Ганбаярын борлог азарга давхиж уясан эзэн, унасан хүүхэд, наадамчин олноо баясгалаа.